Актиелната криза во која се наоѓа Македонија е убедливо најголема криза во која се нашла до сега, смета колумнистот Џељо Хоџиќ кој денеска говореше во дебатата на невладината организација „Профицио“, на тема „Дали кризата е политичка, или државата е во криза?“
Според него оваа криза е посериозна и од конфликтот во 2001 година.
– Тогаш имавме какви-такви институции и судство, имавме каква-таква слобода на медиумите кои искажуваа реална слика за состојбите. Денеска се е узурпирано и ставено во функција на груевизмот, нема институции кои би нашле решение од кризава. Во 2001 година се постигна решение и имаше институции да го спроведат. За „24 декември“ исто така имавме политички договор, но институциите не го спроведуваа, го прогласија за палома хартија – смета Хоџиќ.
Аферите кои ги обелоденува опозицијата, вели тој, и го одзедеоа легитимитот на оваа власт. Со нив се потврди, вели тој, дека изборите се изманипулирани и наместени со што се поништуваат нивните резултати.
Маја Васева