„Знаете ли зошто плаќаме големи сметки за телекомуникациските оператори, кабелските телевизии и слично?
Сега кога ќе го слушнете ова ќе ви стане јасно.
Агенцијата за електрoнски комуникации, во својот Предлог годишен план за работа за 2015 година планира да потроши 60.000.000 денари или цели МИЛИОН ЕВРА за промотивна кампања!
Агенцијата не е орган што е сега основан и треба да се промовира и навистина е прашање што тоа Агенцијата треба да промовира, за да потроши еден милион евра пари од граѓаните?
Или се отвора нова можност за финансирање и контрола на „послушните медиуми“, рече на денешната прес-конференција Горан Трајановски, член на Комисијата за информатичко општество.
„Дополнително, Агенцијата за електронски комуникации планира да биде донатор. Не е наведeно кому и за што. Оваа ставка што во 2014 изнесувала 80.000.000 денари. Сега ја зголемуваат за неверојатни 101 отсто! Или на 160.960.000 денари!
Само оваа ставка за донации, заедно со таа за т.н. интелектуални услуги, кадешто влегува милионската промотивна кампања, ќе однесат 50 проценти од парите на компаниите, односно на граѓаните, што ги прибира АЕК“, вели Горан Трајановски, член на Комисијата за информатичко општество.