Од ВМРО-ДПМНЕ преку прес конференција реагираат на неприфаќањето на оставките на министерот Венко Филипче и заменик министерот Илир Хасани, од страна на премиерот Зоран Заев.
„Денес повторно видовме дека власта нема осет и нема жал за 14-те луѓе живи изгорени во Ковид болницата и 7.000 починати од Ковид.
Наместо пристојност и етика, СДСМ и ДУИ решија да ја спасуваат коалицијата. Четиринаесет луѓе живи изгореа во пластичниот киоск на Зоран Заев и Венко Филипче. Четиринаесет семејства се во црнина поради нивната неодговорност, поради нивниот срам и брука, поради тоа ужасно, смртоносно профитерство. Почитувана македонска јавност, тие одбраа да паднат заедно. И да Зоран Заев и Венко Филипче заедно ќе си паднат“, рече Влатко Ѓорчев од ВМРО ДПМНЕ.
Според него, народот е револтиран и оние кои што се виновни ќе одговараат.