Епископот Стобиски г. Јаков во денешното видео-обраќање до јавноста по повод Сенародниот Собир против законот за родова еднаквост и матична евиденција на 29 јуни пред Соборниот храм „Свети Климент Охридски“ во Скопје, вели дека „имаме должност да ги заштитиме децата и семејството и да ја одбраниме слободата“.
„Имаме должност да ја разобличиме лагата, силно и јасно да ја изговориме и исповедаме вистината, но и да ги заштитиме децата и семејството и да ја одбраниме слободата која што не ни е дадена туку така, но за неа, не некој друг туку Христос, има платено скапа цена. Премногу скапа за да станеме робови на луѓе, на некакви човечки иделогоии спротивни на духот на евангелието“, вели тој.