Кога е во прашање Специјалното јавно обвинителство, на изненадувањата од правен аспект им нема крај, слушнавме дека три пати ургирале судот да ја преземе нивната работа, да им објасни како да постапат по решението кое минатиот пат беа задолжени да извршат декласификација на доказите за кои што тоа според закон е задолжително, рече Никола Додевски, адвокат на одбраната во случајот „Тврдина 2“.
Според него, денешната расправа била губење на време и докажување какво е правото.
– Недозволена работа, законот од 1 декември 2013 година ја воведе странечката постапка исклучиво товарот на докажувањето и прибавувањето на докази е на страната на странките, пред се на тој кој обвинува и е должен да го докаже обвинението со докази кои тој ќе ги презентира пред судот, тој само носи одлука. Законот не ги прифаќа доказите, не јас, рече Додевски.
Александар Тодески