(ВИДЕО) Царовска: За квалитетно техничко образование на младите неопходно е вклучување на компаниите

Од:

Заменичката претседателка на Владата задолжена за економски прашања Царовска, денеска ја посети компанијата “ОДВ Електрик” во Охрид во којашто ученици од техничкото средно училиште “Св. Наум Охридски” посетуваат пракса како дел од дуалното образование.

Царовска посочи дека Владата и Министерството за образование и наука се посветени на креирање на соодветен систем на дуално и стручно образование, со коешто би се продуцирале квалитетни и добро обучени кадри, особено од техничките струки, за задоволување на понудата и побарувачката на пазарот на трудот.

“Овде денеска можевме да видиме како се тестира моделот за усогласување на побаруваните занимања и гледам дека покажува одлични резултати. Од вкупно 40.000 ученици во средно образование само 15.000 се во техничките училишта и сметам дека треба да работиме на зголемување на оваа бројка”, рече Царовска.

Вицепремиерката истакна дека за стимулирање на младите да се вработуваат во производство Владата го воведе младинскиот додаток. “Додатокот кој на месечно ниво изнесува 3.000 денари, може да го користат сите млади лица до 23 години вработени во производство”,истакна Царовска.

Директорот на “ОДВ Електрик” Огнен Цубалевски рече дека со практикување на дуалното образование се креира нива деловна клима и се помага во создавање на нови деловни навики.

“Секоја општествено одговорна компанија треба да инвестира во младите луѓе, и со тоа да влијае врз подобрување на демографските процеси”, рече Цубалески.

Би можело да ве интересира

Бесполезни се планирања и очекувања од туристичка сезона во Охрид во услови на вонредна ситуација

А1он

Постапка поради прекршување на полицискиот час во Охрид

Ана Ололовска

Завршните оценки според постигнатиот успех во редовната настава, но и од активното онлајн учество

Ана Ололовска

Факултетот за безбедност-Скопје и Американскиот центар за образование ќе почнат со онлајн предавања

Ана Ололовска

Казнен налог од 2.000 евра за охриѓанка за непочитување на самоизолација

Ана Ололовска

Во 2019/2020 помалку основци и средношколци од минатата учебна година

Ана Ололовска