Судот треба да обезбеди услови за судење односно да набави камери за судењата да течат непречено онака како што е предвидено во Законот за кривична постапка. Набавувањето оди тешко но јас имам сознанија дека Судот веќе е во процес на набавка на опрема која ќе овозможи судење во исто време на повеќе случаи, информираше обвинителот од СЈО, Гаврил Бубевски.
Во врска со обвинението за нарачаните шамари во општина Центар, Бубевски рече дека нема никакви пречки судењата за овој предмет да почнат одново при што потсети дека веќе има 2 признанија на вина кои имаат правосилни одлуки.
За вкрстеното испрашување обвинителот вели дека е специфичен процес кој не би требало да се повторува уште еднаш поради одговорите кои се дадени.
-Предметот ќе го земе друг судија и мислам дека процесите ќе се движат како што треба. Судењето ќе почне после нова година и нема да има никаков проблем, вели Бубевски.
Виктор Јованов