(ВИДЕО) Бочварски: Ќе има одговорност за пропустите и земените провизии за патиштата

Од:

„Инфраструктурниот пустош што зад себе го остави неспособното и коруптивно работење на ВМРО-ДПМНЕ од ден на ден добива се подраматични размери.

По очигледните огромни пропусти на автопатoт Кичево – Охрид каде што само за еден тунел, поради пропусти во проектот, цената ќе се покачи од 29 на 89 милиони евра. Слични проблеми се јавуваат и во изведбата на експресниот пат Градско – Прилеп.

Постојат сериозни пропусти во делот на трасатa и проектната документација, непостоење или пак минимални геотехнички истражувања, како и појава на три досега неевидентирани археолошки локалитети поради коИ е издадено решение за привремен прекин на работите.

Ова е само уште една потврда за неспособноста, нестручноста и неодговорноста на претходната Влада предводена од ВМРО-ДПМНЕ и Никола Груевски.

Брзајќи да ги земат договорените провизии за автопатите Никола Груевски и неговите соработници нанесоа огромни штети врз интересите на граѓаните и Буџетот.

Коруптивното, нестручно и неодговорно владеење на Груевски и ВМРО-ДПМНЕ, ја закочи изградбата на автопатите, ги изневери очекувањата на граѓаните и го наруши угледот на Република Македонија. Затоа, мора да има одговорност за сите оние кои трошејќи ги народните пари преку земање провизии и криминални тендери, екстремно се богатеа на грбот на осиромашените граѓани.

Ќе има одговорност и за сите пропусти на споменатите автопати, за сите земени провизии, за сите криминални тендери и за секое криминално богатење на поединци на сметка на граѓаните и државата.

Владата предводена од СДСМ прави увид во фактичката состојба, ги санира штетите и ќе стори се за проектираните автопати да се завршат квалитетно и навремено, без при тоа да бидат загрозени интересите на граѓаните и државата. Истовремено, ќе се работи и на санирање, но и на изградба на нови патишта согласно предвидените проекти во Програмата на новата Влада“, изјави Благој Бочварски, потпретседател на СДСМ.

Би можело да ве интересира

Мицкоски сака обвинител под негова контрола, затоа се крие зад Левица, велат од СДСМ

„Идеа Лаб“: Успешно го организиравме ЕМОФ за што добивме потврда лично од претседателот на Европскиот олимписки комитет

Горан Наумовски

СДСМ: ВМРО-ДПМНЕ ја избриша лажната фотографија – Лефков и Мицкоски јавно да се извинат за лагите

Човекот на фотографијата што ја објави Лефков, не е приведениот за подметнување пожар, реагира СДСМ

Катерина Ѓуровски

За младите на Олимпијадата немало пари, ама имало за ПР агенции на власта, обвинува СДСМ

Катерина Ѓуровски

СДСМ: На Скопје не му требаат рецилираните споменици од времето на режимот