(ВИДЕО) Анима Мунди: Заштитата на коњите постои само на скапо платените билборди од ЕУ

Од:

„Под превезот на забава и традиција со години се одржуваат примитивни настани со копитари кои се приморани од нивните исто толку примитивни сопственици да влечат трупци со цел да се здобијат со парични награди и да ги задоволат нивните и на публиката – садистички нагони“, велат од Анима Мунди.

„Повеќе од очигледно е на видеата во прилог дека товарот кој се приморани овие кутри животни да го влечат е повеќе од нивниот физички капацитет бидејќи истите овој пат, а и сите предходни се монструозно тепани, туркани и влечени.

Сето ова со години се случува пред очите на јавноста и уште по трагично пред очите на официјалните инспектори од Агенцијата за храна и ветеринарство кои замислете овде никогаш не констатирале никаков прекршок и дозволуваат овие монструозни манифестации во кои животни се изложени на болка и страдање да продолжат да се одржуваат.

Иронијата во сето ова е што само пред некоја година Агенцијата за храна и ветеринарство спроведе кампања за заштита и благосостојба на коњите и тоа беше прв и последен пат кога оваа институција навидум изрази било каков интерес за овие животни за што е повеќе од очигледно дека благосостојбата на коњите за нив постои само кога се работи за проект финансиран од ЕУ.

Повторно бараме од Агенцијата за храна и ветеринарство да ги забрани овие примитивни настани во кои страдаат оние што треба да ги заштитат.

Благосостојбата на животните во нормално општество не се имплементира само кога има профит туку секојдневно!“, соопштуваат од Анима Мунди.

Би можело да ве интересира

Анима Мунди: Итно да запре убивањето кучиња во ЈП Лана, Струмица и да се овозможи непречен влез на активистите

„Кучиња се дават во крв додека некој се радува на победа“: Помеѓу Охрид и Струга изграден ринг за борби

Орце Костов

Анима Мунди: Се укажува на можноста вработени сами намерно да одлучиле да ги убијат животните во Зоолошката

(ВОЗНЕМИРУВАЧКО ВИДЕО) „Анима мунди“: Институциите одговорија – во нашата држава е во ред да тепаш животни

(ВИДЕО) Анима Мунди: Наместо да одговара градоначалникот Костадинов, осудена активистка

Катерина Ѓуровски

ВИДЕО: Возач во Виница влече врзано куче, во Штип човек со пушка стрела мачки

Орце Костов