И лидерот на ДУИ, Али Ахмети, пристигна во резиденцијата на ЕУ во Пржино.
Ахмети ги избегна новинарите и на влегување во резиденцијата не сакаше да даде изјава.
Прв пристигна премиерот и лидер на ВМРО-ДПМНЕ Никола Груевски придружуван од министерот за надворешни работи Никола Попоски и од заменик министерката за правда Билјана Бришковса Бошковски.
Еврокомесарот за преговори за проширување и соседска политика Јоханес Хан попладнево во резиденцијата на ЕУ во Пржино со тоа ги започна одделните средби со лидерите на политичките партии за имплемнтацијата на договорот од Пржино.
На разговорите пристигна и белгискиот посредник во разговорите на политичките партиите за имплеметација на оговорот од Пржино, Питер Ванхауте.
За 16 часот е закажана средба со лидерот на ДПА Мендух Тачи. Еврокомесарот Хан треба да се сретне и со лидерите на СДСМ Зоран Заев.
По одвоените средби, можна е и заедничка средба на Хан со лидерите на четирите партии.
Хан на неговиот твитер профил пред денешната посета на Македонија напиша „на пат кон Скопје, ќе се сретнам со сите политички партии за да притиснам за итен напредок на политичкиот договор“.