Време е да се размислува за специјалниот јавен обвинител кој од 15-ти септеври ќе ја преземе целокупната работа. Овој суд повеќе нема да биде надлежен, порача Ангеле Илиевски, адвокат на поранешниот прв контраразузнавач Зоран Верушевски во процесот „Пуч“, мислејќи на Кривичниот суд.
Основниот суд, Скопје 1 денеска по втор пат го одложи стартот на судењето по овој предмет затоа што на рочиштето не се појави четвртоосомничениот, претседател на СДСМ, Зоран Заев.
Судот ја одложи расправата за 5-ти октомври, а дополнително ќе треба да одлучува по предлогот на Јавното обвинителство да му се укине мерката на Заев да се јавува еднаш неделно во судот во Струмица и да му се одреди мерка одземање на патната исправа.
-Сосема е во ред да се задржи мерката задржување на патната исправа бидејќи шетањето во Струмица е веќе бесцелно – прокоментира Илиевски по излегување од судот.
-Останува да видеме – додаде тој – како ќе се одвива политичкиот и правниот развој во Собранието.
Маја Васева