Единстениот печатен медиум на македонски јазик во Албанија, весникот „Илинден“, кој од средината на март годинава е и со елекронско издание, стана дел од платформата Daily.mk .
– Сега весникот „Илинден” ќе биде уште по блиску до читателите. На тој начин, „Илинден” стана прв весник на Македонци од Балканот што е дел од прекрасната платформа за вести. Редакцијата на весникот Илинден му се заблагодарува на тимот на Daily.mk, изјави за МИА, Никола Ѓурѓај, главен и одговорен уредник и познат публицист.
Првиот број на весникот „Илинден“ беше објавен на 8 февруари 2013 година, како двоброј за март и април и во изминатите години предизвика голем интерес кај читателската публика во Република Албанија и меѓу македонската дијаспора во светот. Весникот пренесува информации и за матичната земја Македонија.
– Сега, можноста е многу поголема, се она што објавува весникот – активностите на македонските друштва, македонската партија МАЕИ, негувањето на традициите и обичаите, објвавени книги, монографии и публикации на Македонците, да го прочитаат и да се запознаат сите Македонци каде и да се на земјината топка, посочи Ѓурѓај.
Весникот е на македонското друштво „Илинден“, со седиште во Тирана, чии основни заложби, нагласува тој, се заштитата и афирмацијата на македонскиот етнички, јазичен, културен, верски, историски и државен идентитет, континуитет и наследство на Македонците во Република Албанија.