Екс првиот разунувач Зоран Верушевски, притворен во акцијата „Пуч“ во Јавното обвинителство, бил испрашуван исклучително за двата пиштоли кои беа пронајдени во неговиот дом. Според неговиот адвокат Ангеле Илиевски на Верушевски не му било поставено ниту едно прашање поврзано со кривичното дело шпионажа.
– Кога го прашав обвинителот за кое дело ќе биде распитот тој убаво си кажа „за тоа што е обвинет, за незаконско поседување на оружје од 1982 година“. Ништо друго.Малку беше повреден. Ми рече ако сакаат да се пресметаат со мене во ред, но што ми го затвораат семејството. Многу е храбар – вели адвокатот Илиевски за Плусинфо.
Едниот пиштол Верушевски го добил во 1983-та додека вршел службена должност и е регистриран во евиденцијата на МВР и за него не треба дозвола.Вториот, добиен како награда од тогашниот министер за внатрешни работи Томислав Чокревски, исто така е е регистриран.