Основен суд 1 Скопје соопшти дека поранешниот директор на УБК Зоран Верушевски, првообвинет во случајот „Пуч“ денеска излегува од притвор.
Од притвор ќе биде ослободен и Ѓорѓи Лазаревски за кој судот донесе одлука за замена на мерката притвор со гаранција и определување мерки за претпазливост.
„По извршените проверки, судот, известувањето од Агенцијата за катастар и недвижности на Р. Македонија и правосилната одлуката на кривичниот совет, денеска ги достави до затвор Скопје, за да биде спроведена“, стои во соопштението од Скопскиот Основен суд.
На Верушевски и на Лазаревски Судот им изрече забрана за напуштање на живеалиштето односно градот Скопје и привремено им се одземени патните исправи.