Варвициотис: ЕУ да биде доследна и кредибилна во обврските кон Западен Балкан

Од:

Потребата, Европската Унија да биде доследна и кредибилна во обврските за Западен Балкан и подготвеност Грција да преземе конструктивна улога во интегративниот процес на регионот, изрази алтернативниот шеф на грчката дипломатија Милтиадис Варвициотис на средба со европскиот комесар за проширување и соседство Оливер Вархеји, соопшти грчкото Министерство за надворешни работи.

Варвициотис уште еднаш ја повторил цврстата поддршка на Грција за проширувањето на ЕУ со земјите од регионот, а го информирал еврокомесарот Вархеји и за иницијативата од минатата среда во Солун, кога Западен Балкан беше вклучен во дијалогот за иднината на Европа.

Според Кабинетот на Варвициотис, Вархеји изјавил дека е особено задоволен од грчката иницијатива и ја поздравил активната улога на Грција во промоцијата на европската идеја на Балканот.

– На комесарот Вархеји денеска му потенцирав дека Грција цврсто ја поддржува ЕУ перспективата на Западен Балкан. ЕУ треба да биде доследна и кредибилна кон нив. Ќе продолжиме, на нашите соседи да им ја промовираме европската идеја, бидејќи ЕУ е посилна кога е обединета, напиша Варвициотис на неговиот официјален Твитер профил.

Еврокомесарот за проширување и соседство, исто така на Твитер му се заблагодари на алтернативниот шеф на грчката дипломатија, за како што нашиша, добрата дискусија и додаде дека ќе работат заедно на нивните приоритети.

Би можело да ве интересира

ЕУ Самит: Нема силен заеднички одговор за претстојната енергетска криза

Ана Ололовска

Путин: Ако Русија ги напушти Советот на Европа или ОБСЕ, би можеле да следат и други земји

А1он

Анже Логар пред ЕП: Патот на земјите од Западен Балкан кон ЕУ нема да биде автопат, туку мал пат со многу кривини

А1он

Во Брисел почнува дводневен самит на ЕУ – главни теми се Полска и цените на енергијата

А1он

Стилијанидис: Во невремето во Атина ќе имавме и до 300 загинати, ако се потврдеа прогнозите и ако не преземевме мерки

Ана Ололовска

Спортските натпревари во Грција со зголемен број гледачи

Ана Ололовска