Градоначалникот Боро Стојчев во 2010 година сторил кривично дело проневера во служба, за што во 2015 година е осуден со условна казна од 4 години или затворска казна од 2 години во случај да го повтори делото.
Во меѓувреме, Стојчев во месец јули беше уапсен во обид за шверц на цигари, заедно со семејството. Тој беше осуден на казна затвор од 18 месеци, а Апелациониот суд во Штип му ја намали казната на 6 месеци.
Но, ова значи дека Стојчев го повторил делото и затоа во понеделник Кривичниот совет на струмичкиот суд ќе соопшти дали ќе ја активира условната казна за градоначалникот на Ново Село во траење од две години.
Со ова, според законот, Стојчев нема да смее да продолжи со извршување на градоначалничката функција.
Стојчев, како кадар на СДСМ беше избран за градоначалник на Ново село на ланските локални избори. СДСМ не реагираа по апсењето и првостепената пресуда, но по одлуката на Апелација соопштија дека покренуваат постапка за исклучување од членството и побараа Стојчев да си поднесе неотповиклива оставка од функцијата градоначалник.