Утре, (6 ноември) , со почеток во 12 часот, во ГЕМ клубот во Старата скопска чаршија, Фондацијата Отворено општество – Македонија организира дебата на тема „Граѓаните наспроти санкциите и празните буџетските каси“.
Дебатата ќе го отвори прашањето за презастапените казни кои му се закануваат на македонскиот граѓанин и на деловниот сектор. Речиси и да не постои сфера од секојдневието за која не е предвиден прекршок. Висината на прекршоците се движи од 50 евра па сè до неколку илјади евра. Сметките на граѓаните и на деловниот сектор се празнат, а државниот буџет се полни.
За тенденциите на казните и последиците од хиперрегулацијата ќе говорат проф. д-р Мирјана Најчевска, проф. д-р Ванчо Узунов и м-р Ана Блажева.
Модератор на дебатата ќе биде проф. д-р Гордана Бужаровска Лажетиќ.