Усвоена студијата за изградба на дистрибутивната мрежа за природен гас

Од:

Владата ја усвои физибилити студијата за склучување јавно приватно партнерство за изградба на дистрибутивната мрежа за природен гас во источна и западна Македонија.

Како што информира денеска на прес-конференција вицепремиерот Владимир Пешевски, јавните повици ќе бидат објавени до крајот на идниот месец.

Дистрибутивната мрежа го опфаќа и скопскиот регион за кој се веќе распишани јавните повици. Се пријавиле две компании, а евалуацијата е во тек.

– Вкупната инвестиција за дистрибутивната мрежа долга над 650 километри ќе биде 150 милиони евра од кои 100 за скопскиот регион, а 50 за другите два, источниот и западниот, истакна Пешевски.

Според министерот за транспорт и врски Миле Јанакиески, изградбата се очекува да трае четири години. Во источниот дел од земјава со мрежата ќе бидат опфатени 37 општини, додека во западниот 26.

Министерот за економија Беким Незири потенцира дека бенефитот од снабдувањето со природен гас ќе биде огромен, особено од економски аспект.

Би можело да ве интересира

Песков: Подготвени сме да разговараме за продолжување на транзитот на гас во Европа преку Украина

Русија: Пет лица повредени, 54 евакуирани поради експлозија на гас

Рекордни количества плин купуваат европските земји од Русија

Русија годинава извезла повеќе гас во Европа отколку во 2023 година

Пет понуди на повикот за изградба на интерконекторот со Грција

Цените на гасот во Европа на годишниот максимум

Предраг Петровиќ