Педесет и петгодишниот Зоран Сачевски сопственик на менувачницата „Золит Трејд“ синоќа околу 19:50 часот е пронајден мртов пред објектот во скопската населба Драчево на улица „Славка Димкова“.
Како што информираат од МВР, Зоран со повреда од огнено оружје во пределот на десната слепоочница, е пронајден од страна на неговиот син Т.С. (26).
Иако тој бил пренесен во поликлиниката во Драчево, сепак им подлегнал на повредите и лекарите констатирале смрт. Полицијата извршила увид на лице место, при што е пронајдена една чаура од огнено оружје, а по наредба од Истражен судија телото е предадено за обдукција.
Полицијата се уште нема информации во какви околности бил убиен сопственикот за менувачницата и дали станува збор за грабеж.