Уапсениот активист на ВМРО-ДПМНЕ не бил тепан, тврдат од полицијата, а ќе го гонат за агресивно однесување

Од:

Полицијата ќе го гони демонстрантот и активист на ВМРО-ДПМНЕ Стефан Калошев, кој денеска беше приведен на протестите во Скопје, однесен во станица, па ослободен по неговото идентификување. Од МВР и натаму тврдат дека тој агресивно се однесувал со полицајците и не испочитувал нивна наредба. Демонстрантот по излегувањето од станица, сведочеше дека бил тепан од полицајците. Но, од МВР, велат дека нема пријава за непрофесионално однесување на било кој полицаец.

„Лицето е лишено од слобода за омаловажување на службено лице и агресивно однесување, како и непочитување наредба од полициски службеник и против него ќе биде поднесен соодветен поднесок. До сега ова лице нема поднесено пријава за непрофесионално однесување на било кој полициски службеник“, велат од МВР.

Приведениот активист на ВМРО-ДПМНЕ, беше спроведен во станица со лисици на рацете од двајца полицајци.

Демонстрантите бараа негово ослободување, а откако тргнаа да го сопрат спроводот, останатите полицајци реагираа и направија кордон.

„Срамота е, на што личи ова? Што правите? Срамота е ова! Уа криминалци! На толку мирно место да приведувате!“, извикуваа присутните.

Активистите од ВМРО-ДПМНЕ твдеа дека демонстрантите е приведен само затоа што ги снимал полицајците во лице. Од полицијата со контра став, тие тврдат дека не испочитувал наредба од полицаец и ги омаловажувал со погрдни зборови.

Би можело да ве интересира

ВМРО-ДПМНЕ денеска ќе ги потврди листите за пратеници

Катерина Ѓуровски

Талевски: ДПМНЕ и Тошковски ја загрозуваат безбедноста на граѓаните

Катерина Ѓуровски

Протест на лекарите специјализанти, во тек состанок со претставници на Министерството за здравство

Уште се чека за пасош со месеци, постапката забрзана ама само за оние што имаат да платат 100 евра

Николова: Платформа од минатиот век се новите лажни ветувања на ДПМНЕ по примерот на Скопје

ВИДЕО: Време е за 90 пратеници и една изборна единца порача Мицкоски во промоцијата на изборната програма

Катерина Ѓуровски