Полицајци од единицата за внатрешни работи Гази Баба денеска ги привеле А.Ц. (20) и К.Ј. (19), жители на скопско село и Е.Л. (20) од велешко, поради основано сомнение дека минатиот месец извршиле разбојништво над човек од Велес.
Според полициското соопштение, на 10 септември околу 13.30 часот, тројцата во селото Петровец извршиле разбојништво над Д.М. од Велес.
Тие се приведени во полициската станица Гази Баба, каде по наредба на јавен обвинител е извршено препознавање, при што жртвата на разбојништвото, за кое МВР не открива повеќе детали, ги препознала напаѓачите.
Против тројцата осомничени млади разбојници ќе биде поднесена соодветна пријава, додаваат од полицијата.
