За еден ден, полицијата нотира шест случаи во кои е пронајдена прашкаста материја и марихуана. Сите случаи се во Скопје, односно општините Аеродром, Центар, Ѓорче Петров, Карпош.
„Во 04,50 часот на подрачје на Аеродром од полициски службеници од Единицата за интервентна полиција при СВР Скопје бил лишен од слобода Д.П.(22) од Скопје, затоа што кај него била пронајдена прашкаста материја. Во 00,50 часот на подрачје на Центар од полициски службеници од Единицата за интервентна полиција при СВР Скопје бил лишен од слобода Ф.Р.(23) од Швајцарија, затоа што кај него била пронајдена марихуана. Во 00,40 часот на подрачје на Карпош од полициски службеници од Единицата за интервентна полиција при СВР Скопје бил лишен од слобода П.Д.(29) од Скопје, затоа што кај него била пронајдена бела прашкаста материја. По целосно документирање на случајот ќе биде поднесен соодветен поднесок. Во 01,50 часот на подрачје на Карпош од полициски службеници од Единицата за интервентна полиција при СВР Скопје бил лишен од слобода Д.Т.(31) од Скопје, затоа што кај него била пронајдена бела прашкаста материја. По целосно документирање на случајот ќе биде поднесен соодветен поднесок“, велат од МВР.
Евидентирани се уште два слуачи.
Во 23,15 часот на подрачје на Центар од полициски службеници од Единицата за интервентна полиција при СВР Скопје бил лишен од слобода 17 годишник од Скопје, затоа што кај него била пронајдена марихуана. Во 20,45 часот на подрачје на Ѓорче Петров од полициски службеници од Единицата за интервентна полиција при СВР Скопје бил лишен од слобода А.Д.(21) од Скопје, затоа што кај него била пронајдена грутчеста материја“, додаваат од МВР.
По целосно документирање на случаите ќе бидат процесуирани.