Тројца судии ќе го оценуваат обвинението за Вељаноски, Јанакиески, Ристовски и Атанасовски

Од:

Судиите од одделот за кривично полнолетни, Марин Станевски, Оља Ристова и Даниела Алексовска Стојановска утре ќе го оценуваат обвинението за организаторите на настаните од 27 април 2017 година, со кое се обвинети поранешниот претседател на Собранието, Трајко Вељаноски, ексминистрите Спиро Ристовски и Миле Јанакиески, како и ексдиректорот на УБК, Владимир Атанасовски, дознава „А1он“.

Обвинението за терористичко загрозување на уставниот поредок и безбедноста е поднесено пред речиси половина година. Судот појасни дека 8 од 9 судии за организиран криминал биле изземени да постапуваат за ова обвинение поради различни причини, па затоа процесот на одобрување на обвинението заглавил. Ако обвинението биде одобрено, судот треба да закаже главна расправа.

Според теоријата на обвинителството, обвинетите на почетокот на 2017 година по неуспешните преговори за формирање Влада, со намера да го загрозат уставниот поредок и безбедноста на земјата, подготвиле и реализирале план со акти на насилство да оневозможат мирно примопредавање на власта на новоформираното парламентарно мнозинство.

Обвинетите, како што наведе Обвинителството, ги организирале и материјално ги поддржале масовните протести, првин пред Државната изборна комисија, а потоа и протестите на движењето „За заедничка Македонија“ што кулминираа со насилното влегување во парламентот на 27 април 2017 година.

Организаторите ја вклучиле севкупната партиска структура и материјални средства за исполнување на целта, притоа овозможиле и континуирано намалување на бројот на полициски службеници за обезбедување на протестите и на зградата на Собранието.

Критичниот ден организирале непречено влегување на народните маси во парламентот, вклучувајќи патриотски здруженија и ангажирајќи извршители на насилство.

Во седиштето на политичката партија ВМРО-ДПМНЕ, двајца од обвинетите постојано го мобилизирале членството на партијата од Скопје и другите градови во одреден момент да извршат насилен упад во Собранието, знаејќи однапред дека објектот не е соодветно обезбеден и заштитен со полициски сили и дека пречките за влез во Собранието ќе бидат отстранети.

Извршителите на нападот се неправосилно осудени на вкупна казна затвор од над 200 години.

Би можело да ве интересира

Одложено рочиштето за „Организаторите на 27 април“

Ана Ололовска

Ново рочиште за „Организаторите на 27 април”

Ана Ололовска

Судење за „27 април”: Се сослушуваат сведоци предложени од одбраната на Јанакиески

Апелација им ги намали затворските казни на осудените за „27 април“

Ландов

Иванов: Не знаев дека ќе се влегува во Собранието ниту планирав воена состојба

Ана Ололовска

Ѓорѓе Иванов треба да сведочи на судењето за организаторите на 27 април

Ана Ололовска