МВР извести дека вчера во 20 часот во полиција е пријавено дека на крстосница од улиците „Прилепска“ и „Наум Наумовски Борче“ се случила сообраќајна несреќа помеѓу возило „фолксваген пасат“ управувано од С.Т.(68) и возило „БМВ“ управувано од М.А.(29), и двајцата од Битола.
„Во несреќата со тешки повреди се здобил сопатникот од возилото „БМВ“ П.Ч.(45), а со телесни повреди се здобиле возачот М.А. и сопатник А.Х.(29) сите од Битола, констатирани во болница. Извршен бил увид од увидна екипа од СВР Битола“, велат од МВР.