Три женски лица од Македонија се прифатени во постапка за депортација од Турција

Од:
Вчера вечерта преку Меѓународниот аеродром Скопје е извршена депортација на три женски лица, од кои две со регулиран статус на државјанки на Македонија и едно малолетно лице од две години, за кое треба да се спроведе постапка за стекнување државјанство, информираат од Владата.
Лицата се депортирани со редовен авионски лет од Република Турција, поточно од бегалскиот камп Газиантеп, откако претходно одреден период престојувале во воените зони во Сирија и Ирак.
„На аеродромот во Скопје, трите лица беа прифатени од стручни екипи на Министерството за здравство, Министерството за труд и социјална политика и Министерството за внатрешни работи при што сите екипи постапија во рамките на своите надлежности.Согласно протоколите за здравствена и социјална заштита, на аеродромот беа направени првите контролни здравствени прегледи и извршени анкети и разговори, при што им се дадени и совети за нивното натамошно згрижување, здравствена и социјална заштита“, информираат од Владата.

Лицата се сместени во објект под надзор на Министерството за труд и социјална политика, Центарот за социјални работи Скопје, поради фактот дека доаѓаат од подрачја со зголемен епидемиолошки ризик, вклучително и заради тековните мерки за превенција од коронавирусот.

„Откако ќе помине периодот на здравствен надзор, и ќе бидат завршени сите медицински прегледи и тестови, особено од аспект на здравствена заштита на 2-годишно дете, по претходна одлука на соодветен стручен тим од Министерството за здравство, на трите женски лица ќе им биде овозможено да бидат прифатени од нивните најблиски, како и да бидат интегрирани во системот за социјална заштита по стручна процена на надлежните служби на Министерството за труд и социјална политика“, стои во владиното соопштение.

Би можело да ве интересира

ВИДЕО: Полета првиот турски борбен авион од 5-та генерација

Силен земјотрес ја погоди Турција

Горан Наумовски

Несреќа во рудник за злато во Турција: Најмалку девет рудари се затрупани

Тренчевска: Повторно популизам и невистини од кабинетот на техничкиот министер

Предраг Петровиќ

(ВИДЕО) Пукање во Истанбул, шестмина повредени: напаѓачите се убиени

Катерина Ѓуровски

(ВИДЕО) Се урна полициски хеликоптер во Турција, има загинати и повредени