Три жени починаа од Ковид-19 на штипското Инфективно одделение

Од:

Три жени починаа поради компликации од коронавирусот на Инфективно одделение во Клиничката болница во Штип.

Портпаролот на болницата, Марина Шуманска, вели дека две пациентки се од Кочани, а една од Делчево и дека биле на возраст од 49, 61 и 81 година.

Изминатите 24 часа на ова одделение се лекуваат 54 пациенти, со што останат е слободен само еден болнички кревет. Изминатата недела на ова одделение се примаат пациенти во тешка состојба, а денеска таму на кислородна поддршка се над 20 пациенти.

Директорот на Клиничка болница-Штип, Ален Ѓеорѓијев вели дека ангажирани се и лекарите од интернистичките гранки, како и од останатите одделенија, кои им помагаат на двајцата инфектолози и на медицинскиот персонал. Во меѓувреме поради напливот на пациенти се одложи и реконструкцијата на Инфективното одделение, кое преку европски проект од Програмата за Меѓугранична соработка меѓу Бугарија и Македонија ќе добие нови прозорци, фасада и рампа за лицата со инвалидитет.

-Имаме две опции, едната е да бараме официјално одложување на проектот, а втората е реконструкцијата да се реализира по монтирањето на модуларната болница за ковид пациентите. Средствата треба да се искористат до јуни 2021 година. Се надевам дека напролет во рок од еден месец ќе се реализира овој проект, вели Ѓеорѓијев.

Проектот за реконструкција на штипското Инфективно одделение чини околу 200.000 евра, а фирмата е избрана во март, но засега не може да почне со градежните активности.

Би можело да ве интересира

Општина Делчево сега има и сертификат за квалитет

Жарко Настоски

Повторно десетмина починати од коронавирус во Скопје, близу 10.000 луѓе се заразени во главниот град

Жарко Настоски

Од Ковид-19 починале уште 35 лица, регистрирани 387 новозаразени

Жарко Настоски

Д-р Грозданова: Се очекува Македонија да ја добие вакцината против Ковид-19 во првите месеци од 2021 година

Жарко Настоски

Ангелов: Ситуацијата е под контрола, армијата и полицијата превентивно ќе ги обезбедуваат болниците

Жарко Настоски

Во болниците од Ковид-19 се лекуваат 1291 пациент, слободни кревети има

Ана Ололовска