Судечките совети кои постапуваат по предметот „Тенк“ и за предметот од Специјалното јавно обвинителство означен како „Трезор“ оформени по одобрување на обвинителните акти на СЈО, одредија термини за одржување главна расправа, и тоа 30.01.2018 година за вториот предмет на 05.02.2018 година, соопшти кривичниот суд.
Предметот „Тенк“ е за набавката на екстралуксузниот „мерцедес“, во кој првообвинета е Гордана Јанкулоска, а обвинети се и Ѓоко Поповси и Никола Груевски. Апелацискиот суд Скопје одлучи прислушуваните разговори за набавката на „мерцедесот“ да бидат доказ во судењето за случајот „Тенк“.
Обвинението за „Трезор“ е за набавка на опрема за потребите на Петтата управа во МВР. СЈО за овој предмет објави дека има докази на 14 страници, како и сведоци. Во овој предмет обвинети се поранешниот директор на УБК, Сашо Мијалков, поранешниот началник на Петтата управа, Горан Грујевски, кој е во екстрадициски притвор, ексшефот на кабинетот на Мијалков, Тони Јакимовски, и помошник-министерот во МВР и поранешен член на Управен одбор на Телеком, Небојша Стајковиќ, дека злоупотребиле државни пари за набавка на опрема за лично богатење.
В. М.
