ЈЗУ Завод за здравствена заштита-Битола ќе реализира трета фаза од систематската дезинсекција на подрачјата од пелагониските општини Битола, Могила и Новаци.
Од Заводот информираат дека уништувањето на комарците на подрачјето на општина Битола ќе се врши од 20-ти до 24 август, на зелените површини во централното градско подрачје и на периферијата од градот.
Запрашувањето на подрачјето на општина Могила ќе се врши на 20-ти и 21 август, а акцент ќе биде ставен на локалитети со застоени водени површини, додека во општина Новаци превентивна систематска дезинсекција ќе се врши по течението на реката Црна.
Третата фаза од превентивната систематска дезинсекција на територијата на општините Битола, Могила и Новаци се врши согласно програма и законот за заштита на населението од заразни болести, и по препорака на Министерството за здравство.
