Пратениците денеска продолжуваат со амандманската расправа по Предлог-законот за аудио и аудиовизуелни комуникации.
На седницата на Комисијата за транспорт, врски и екологија во изминатите два дена се поминати 63 амандмани, од вкупно 94 поднесени за овој закон, од кои прифатени се 20. За Предлог-законот за медиуми и за аудиовизуелните медиумски услуги се поднесени околу 130 амандмани, повеќето од опозицијата.
Денеска е последен ден од предвидените три, според Деловникот за работа на Собранието, за комисиско изјаснување по амандманите.
Повторно е одложена седницата на Законодавно-правата комисија на која на дневен ред се овие два закона, како и Предлог – закон за изменување и дополнување на Законот за сигурност во железничкиот систем, во прво читање, кој исто така треба да биде разгледан и на Комисијата за транспорт.
Во Собранието на Република Македонија денеска седница ќе одржи и Комисијата за надворешна политика.