Тошковски и Николоски му се заблагодарија на Мицкоски за предлозите да бидат министри

Од:

Предложениот кандидат за министер за внатрешни работи, Панче Тошковски, во објава на Фејсбук изрази благодарност до лидерот на ВМРО-ДПМНЕ, како и до членовите на Извршниот и Централниот комитет на партијата за едногласно донесената одлука.

„Вечерва по предлог на Претседателот на ВМРО-ДПМНЕ Христијан Мицкоски, Извршниот и Централниот комитет донесоа одлука со која сум предложен за министер за внатрешни работи во новата Влада. Со огромна чест ја прифаќам оваа одлука, која за мене претставува голема одговорност и обврска кон сите вас. Искрено благодарам на Претседателот Христијан Мицкоски, како и на сите членови на Извршниот и Централниот комитет за довербата и поддршката која ми ја укажаа“, напиша Тошковски на својот фејсбук профил.

Додава дека неуморно ќе се вложи за подобрување на условите за живот на сите граѓани, како и за обезбедување на безбедна, просперитетна и праведна Македонија.

Благодарност изрази и Александар Николоски за укажаната доверба и чест да биде заменик претседател на Владата и министер за транспорт и врски.

„Да се биде дел од неговиот тим во ВМРО-ДПМНЕ беше огромна чест и одговорност, истото е и за Владата. Како што го кренавме ВМРО-ДПМНЕ, така ќе ја креваме и Македонија! Народот ни даде огромна доверба. Со многу посветеност и напорна работа ќе ја оправдаме. Ќе правиме убави работи“, напиша Николоски.

Мицкоски вечерва ги соопшти 15 кандидати за членови на Владата од коалицијата „Твоја Македонија“, откако беа потврдени од Извршниот и Централниот комитет на партијата.

Би можело да ве интересира

Кузеска: Панче Тошковски има стан во поклонетиот имот на Јанушев

Катерина Ѓуровски

Тошковски: Се стабилизира состојбата со издавањето на лични документи, обезбедуваме нови количини на обрасци за лични документи, пунктот Идризово ќе се затвори

ВМРО-ДПМНЕ: Нема да дозволиме криминалците преку лажни обвинувања да го сведат ВМРО-ДПМНЕ на нивно ниво

Горан Наумовски

ВМРО-ДПМНЕ: Никола Спасов откако се насобра тендери од СДС, преку агенцијата Рејтинг, сега го отплаќа долгот преку водење на ПР, со ниски лаги и измислици

Горан Наумовски

ВМРО-ДПМНЕ: Спасов, со катастрофалниот ПР на СДС, испитува како дното да се пробие, што повеќе на партијата

СДСМ: Поминаа ден-два, пожарите не се под контрола, а лопатарот Мицкоски и министрите се шетаат