Односите меѓу Албанија и Македонија се одлични, а последните индиденти со палењето на македонското знаме во Тирана се изолирани случаи, изјави поранешниот албански претседател Бамир Топи при денешната посета на Дебар.
Топи истакна дека за време на неговото функција претседател на Албанија имал одлични односи со македонскиот претседател Ѓорге Иванов, и убеден е дека односите на Тирана со Скопје се консолидирани и тие се мошне добри. Топи верува дека Македонија многу скоро ќе биде членка на НАТО.
Поранешниот албански претседател, коментирајќи ја улогата на лидери на албанските политички партии во Македонија, рече дека тие имаат дадено свој придонес за мирот и стабилноста на Македонија. но додаде дека има потреба лидерите на партиите да имаат поголема комуникација меѓу нив.
Топи кој денеска на градоначалникот на Дебар и дебарчани им го честиташе јубилејот 100 години од независност на Албанија, за време на неговиот претседателки мандат пред две години беше прогласен за почесен граѓанин на Дебар.