Вчеравечер во Битола се случила тешка сообраќајна несреќа во која е повредено 16-годишно момче од градот, кое додека се движело на велосипед, било удрено од автомобил „Мерцедес“, возен од 21-годишен жител на селото Долно Оризари.
„На 08.06.2021 во 21.20 часот во СВР Битола било пријавено дека на крстосницата од ул.„Партизанска“ и ул.„Ѓорѓи Наумов“ во Битола, патничко моторно возило „мерцедес“ со битолски регистарски ознаки, управувано од И.Т.(21) од Долно Оризари удрило во велосипед управуван од 16 – годишен битолчанец“, се вели во полициското соопштени.
Во незгодата велосипедистот се здобил со тешки телесни повреди констатирани во Клиничката болница Битола. Извршен бил увид на местото на настанот од увидна екипа од СВР Битола, додаваат од полицијата.