За време на вчерашниот ден во одделни настани во Штип и во Куманово направени се две кражби во станови при што украдени се пари и предмети во вредност од 1,4 милиони денари.
Во Штип на улица Сутјеска во станот на Л.С., непознат сторител насилно влегол, кршејќи го прозорот и извршил кражба при што одзел 20 златни лири, 5.000 евра, музички систем, плазма телевизор и дигитален ресивер.
Вкупната вредност се проценува на околу 500.000 денари, а од МВР информираат дека се превземаат мерки за пронаоѓање на сторителот како и целосно расчистување на случајот.
На улицата „Ѓорче Петров“ во Куманово, од станот на лицето Г.Л. биле украдени околу 900.000 денари и видеокамера „Канон“.
Сторителот во станот влегол кршејќи ја балконската врата, а полицијата превзема мерки за пронаоѓање на сторителот.