Претседателот на Република Македонија Ѓорге Иванов по повод смртта на владиката Кирил, митрополит на Полошко-кумановската епархија, упати писмо со сочувство до архиепископот охридски и македонски, г. г. Стефан.
Во телеграмата, претседателот Иванов од свое лично име и во име на сите верници од православна вероисповед упатува сочувство и жалење за загубата на владиката Кирил.
– Владиката Кирил целокупниот свој живот го посвети на ширењето на христијанската вера и остави траен белег во христијанскиот духовен живот на македонскиот народ. Неговото учење и благородна мисија говорат за промовирање на православието, кое се темели на љубовта, мирот, духовното богатство на луѓето, меѓусебното почитување, толеранција и солидарност, се вели во телеграмата.