По два и пол часа распит во Специјалното јавно обвинителство, градоначалникот на Битола, Владимир Талески замина со полициска придружба. На заминување тој кратко коментираше дека се работи за наметната постапка и не може врз основа на една снимка да се прави ваква политичка хајка.
Тој тврди дека постапките за тендерите за училишниот превоз во Битола биле транспарентни и дека тоа ќе го докаже.
Талески не даде конкретен одговор за тоа дали од домашен притвор ја води општината.
-Има одлука од Обвинителството која јас мора да ја почитувам, рече тој.
Талески во СЈО пристигна на пладне, без лисици на рацете, со својот адвокат Никола Додовски и со полицаец.
По денешниот распит ќе зависи дали СЈО утре ќе бара продлжување на притворот кој истекува утре.