Не е изводливо да има македонско-албанска предизборна коалиција, рече во емисијата Х/О, на Канал 5, лидерот на ДПА, Мендух Тачи.
Тачи вели нема да биде на говорницата на опозицискиот митинг на есен во Скопје.
Не е лоша идејата за коалиција но, според Тачи е невозможна. Такви коалиции може да се смешни или неупотребливи до решавање на националните барања на Албанците.
„Додека трае оваа политика со Груевски не е можна соработка со ВМРО-ДПМНЕ. Но ќе ги сметам за можни парнери на ДПА, ако победат на следните избори, доколку прифатат да разговараат за платформата на ДПА“, изјави Тачи во емисијата.
Политиката „сите Албанци во една држава“, е само сон и националистичките сонови донесоа многу крв на Балканот, рече лидерот на ДПА.
Албанците, рече, не го оспоруваат македонскиот идентитет. Тачи е против реферндум за името и повтори дека Македонците сами треба да го решат ова прашање.