Судскиот совет тврди: Половина од судовите лани биле неажурни

Од:

Скоро половина од судовите од државата лани биле неажурни, односно од 34 судови ажурни биле 18, а неажурни се 16 од кои три се апелациски, 12 основни и Вишиот управен суд. Ова беше соопштено на денешната седница на Судскиот совет на кој се разгледуваше извештајот за работата на судовите за 2024 година.

Според известителот Павлина Црвенковска, судовите во државата мината година ја почнале со нерешени 131.005 предмети, а примиле за работа нови 569.958 предмети, односно вкупно за работа имаме 700.739 предмети. Од нив успеале да решат 566.010, а не решиле 134.729 предмети.

-Судовите лани не успеале да го совладат приливот на предмети и ги зголемиле заостанатите предмети за 3.724 предмети, истакна Црвенковска.

Според неа, Врховниот суд се оценува како ажурен, Апелацискиот суд Гостивар-неажурен, Основен суд Гостивар-ажурен, Дебар-ажурен, Тетово-ажурен, Апелациски суд Скопје-ажурен, Основен суд Велес-ажурен, Гевгелија-ажурен,Кавадарци ажурен, Кратово- ажурен, Крива Паланка-неажурен, Куманово-неажурен, Неготино ажурен, Основен кривичен суд Скопје-ажурен, Основен граѓански суд Скопје-неажурен.

Според вториот известил, Антоанета Димовска, Вишиот управен суд е неажурен, Управниот суд е ажурен, Апелацискиот суд Битола-неажурен, Основен суд Битола-неажурен, Крушево-ажурен, Охрид-ажурен, Прилеп-неажурен, Ресен-ажурен, Струга-неажурен, Апелацискиот суд Штип е неажурен, Основен суд Берово-неажурен, Виница-ажурен, Делечево-ажурен, Кочани-неажурен, Радовиш-неажурен, Свети Николе-ажурен, Струмица-неажурен, Штип-ажурен.

-Во одреден број на судови, како што е Основниот суд во Радовиш се зголемил остатакот за 153 предмети, но треба да го имаме предвид фактот дека таму работат двајца судии. Тоа значи дека вложиле огоромен труд колегите. Основниот суд во Кочани е неажурен, меѓутоа го зголемиле заостатокот за само 28 предмети и знаеме дека и таму недостасуваат судии. Основниот суд во Струмица го зголемил заостатокот за 1.043 предмети, но имаат голем број на предмети кои ги примиле за работа-19.611 предмети, така што на овие апелациски подрачја може да се заклучи дека судиите дале голем напор да сработат, но во некои судови невозможно е бидејќи недостасуваат судии. Јас би го пофалила судот во Делчево, каде работи времено упатен судија и покажува резултати, истакна Димовска.

Според членот на Судскиот совет, Весна Дамева, бројот на предметите во судовите за лани го поставува прашањето дали граѓаните не веруваат на судството.

-Ако граѓаните немаат доверба во судовите нема да процесуираат толку постапки и ако ги исклучиме оние кривични каде што Обвинителството ја води постапката. Судиите не само што решиле 566.010 предмети,туку постапувале по 700.000 колку што вкупно имале во работа. Тоа значи дека со намален број на судии, со недоволно финансиски средства, со недоволно човечки ресурси, затоа што знаеме дека се одбиени согласностите за нови вработувања, односно со недоволен број на пополнети и судиски места и на вработени сите дале свој сериозен придонес, посочи Дамева.

Судскиот совет го усвои Извештајот за работата на судовите за лани со 13 гласови и истиот ќе биде објавен на веб страницата на Советот.

Би можело да ве интересира

Како уште се толерираат вакви судии: Четиригодишно дете наместо на мајката, со пресуда го дадоа на таткото семеен насилник

Предраг Петровиќ

Собранието ги разреши, но одлуката е на членовите на Судскиот совет дали ќе заминат

Доколку членовите на Судски совет не постапат соодветно, можно е да им се случи народ, порача Мицкоски

Пренџов: Членот на Судски совет, Чачарова-Илиевска освен што била правна советничка на Заев, била и донатор на СДС во повеќе наврати

Собранието изгласа недоверба на членовите на Судски совет Црвенковска и Адеми, а претходно и на Дамева

Милошоски: Демократски зрело е членовите на Судски совет да си поднесат оставки после изгласана недоверба

Предраг Петровиќ