Kурир од Кривичниот суд, попладнево два пати се обидел во домот на екс премиерот Никола Груевски да му го врачи решението со кое тој треба да се јави на извршување на двегодишната затворска казна. Курирот од домашните бил известен дека Груевски не е дома.
Како што дознаваме, курирот вечерва ќе се обиде уште еднаш на Груевски да му го врачи решението. Најверојатно за време на викендот, бидејќи не се работни денови, ќе се чека понеделник за нов обид, најверојатно на рочиште за предметот „Титаник“.
Доколку се заклучи дека осуденото лице не е достапно, ќе се направи обид за стражарно приведување или ќе се распише потерница по него.