Судскиот совет два часа дебатира за пресудата на Управниот суд, со која се поништува одлуката за разрешување на Весна Дамева од функцијата претседател на Судски совет. Колегиумот на членовите на советот доаѓа откако вчера известија дека пресудата од Управен суд стигнала и до нив, а бидејќи немаат право на жалба, во рок од 30 дена Дамева треба да се врати на чело на советот.
Дамева дојде на чело на советот на 5 декември 2022 година, а во април минатата година, беше разрешена на две одделни седници, бидејќи на првата, немаше доволно гласови „за“, на седница на која немаше соодветно образложение, а која почна да ја води тогашнот заменик-претседател, Селим Адеми.
Таа пак, освен тужба до Управниот суд, поднесе и кривична пријава до Обвинителството, со став дека во нејзиното разрешување било сторено делото „злоупотреба на службена положба и овластувања“.