Судот во Стразбур отфрли тужба од малолетни мигранти против неколку земји, меѓу кои и Северна Македонија

Од:

Во денешната пресуда на Првиот советот на Европскиот суд за човекови права во Стразбур во предметот Ш.Д. и други против Грција, Австрија, Хрватска, Унгарија, Северна Македонија, Србија и Словенија (жалба бр 14165/16), која се однесуваше на условите за престој на пет авганистански непридружувани малолетни лица-мигранти во Грција, Европскиот суд за човекови права, донесе едногласна пресуда со која се вели дека Грција ја прекршила, додека другите земји не ја прекршиле Европската конвенција за човекови права, јавува дописникот на МИА од Стразбур.

Имено, Судот од Стразбур, заклучува дека делот од жалбата кој се однесува против Австрија, Хрватска, Унгарија, Северна Македонија, Србија и Словенија е недопуштена, односно очигледно неоснована. Но, аргументите насочени против Грција и во членовите 3 и 5 § 1 од Европската конвенција за човекови права се допуштени.

Притоа, ЕСЧП вели дека во однос на Грција има повреда на член 3 (забрана на нечовечко или понижувачко постапување) на Европската конвенција. Прво, Судот утврди дека условите за притвор на кои беа изложени тројца од жалителите во различни полициски станици се совпаѓаат со понижувачко постапување кон нив, истакнувајќи дека притворот во овие места може да предизвика чувства на изолација од надворешниот свет со потенцијално негативни последици врз нивната физичка и морална благосостојба. Второ, Судот утврди дека властите не го направиле она што разумно може да се очекува од нив да ја исполнат обврската за поддршка и заштита на четворица жалители – кои живееле еден месец во кампот Идомени во несоодветна околина, како малолетници – кои во голема мера се грижа на грчката држава за оние кои се особено ранливи поради нивната возраст.

Судот исто така констатира од страна на Грција повреда на член 5 § 1 (право на слобода и безбедност) во врска со тројца жалители. Судот утврди дека ставањето на трите жалители во полициските станици се сведува на лишување од слобода, грчката Влада не објаснува зошто властите најпрво ги ставиле во полициските станици – и во деградирачки услови на притвор, а не во други места на привремено сместување. Притворањето на овие кандидати не било законско, се вели во пресудата.

Станува збор за случај од 2016 година. Притоа грчката држава на жалителите треба да им исплати 4.000 евра на еден и по 6.000 евра на четворица други жалители за морална штетат и по 1.500 евра за трошоци.

Би можело да ве интересира

Во објекти под опсада во Атина, пронајдени 269 бегалци и мигранти

Амнести Интернешнл тврди дека стотици работници мигранти заминуваат од Катар без плата

А1он

Макрон и Конте: ЕУ мора да воведе нов систем за прием на мигранти

А1он

Крајбрежната стража на Малта спаси 45 мигранти

Во текот на вчерашниот ден на грчките острови пристигнале речиси 800 бегалци и мигранти

Малта се согласи да прифати 90 мигранти спасени од италијанската крајбрежна стража

Ана Ололовска