Судскиот совет едногласно ја врати судијката Александра Ристеска во Кривичен суд до објавување на пресудата на предметот Ласкарци, бидејќи таа е член на советот во предметот Ласкарци, а денеска положи заклетва за апелационен судија.
Членовите на советот кои дојдоа на итната седница едногласно побараа Ристеска да биде делегирана до објавување на пресудата, оти пресудата е закажана за 25 јануари, но истата може да биде одложена.
„За“ Ристеска да биде вратена во Кривичниот суд гласаа 10 членови на Судскиот совет, а ниту еден не беше против. Одлката Ристеска да биде делегирана во Кривичниот суд е донесена без датум, односно „до донесување на пресудата“, за да може да се остави простор за било какви промени во читањето на пресудата.
Судијката денеска, при положување на заклетвата не известила никого во Судскиот совет дека е член на советот во Кривичнио суд во предметот Ласкарци.
