Судењето за предметот „Труст“ на СЈО што требаше да се одржи денеска е одложено за 13 февруари.
Причина за одложувањето е болест на вештото лице што требаше да дава исказ.
Осомничени во „Труст“ се бизнисменот Сеад Кочан, како и уште две физички и три правни лица за учество на тендер на Електрани на Македонија.
Обвинителите на СЈО пред судот ги презентираа сите докази, вклучително и „бомбите“, кои беа први аудио-материјали пуштени во судницата.
Одбраната сега треба да ги презентира нивните докази по што се очекуваат завршните зборови и пресудата.
Осомничените се товарат дека со фалсификувани документи местеле тендери во ЕЛЕМ во вредност од 17 милиони евра.