Индискиот бизнисмен Субрата Рој доаѓа во трета по ред посета на Македонија. Како што е најавено, во среда и четврток со претставници на Владата тој ќе престојува во Охрид и Скопје.
Во рамките на посетата ќе има разговори околу деталите за туристичкиот комплекс во Љубаниште, намерата за изградба на објектот посветен на Мајка Тереза на скопскиот плоштад, како и за други можни инвестиции.
Неговата компанија „Сахара Груп“е заинтересирана и за земјоделството и достави предлог-проект за комбинатот „Џумајлија“.