Студентскиот пленум објави опсежно истражување кое покажа дека постојат огромни разлики во концептот што го заговара македонската влада и оној што се применува во некои европски земји, објави „24 Вести“.
Точно е дека Германија, Данска, Полска и Чешка, имаат модел за надворешно тестирање, но тој е целосно различен од оној што го нуди владата – велат од Студентскиот пленум.
Компаративното истражување на студентите, покажало дека таквиот испит не се спроведува за време на студиите, туку по завршувањето на средното образование, и тоа најчесто во стручните училишта.
Друга голема разлика е во Одборот кој го спроведува тестирањето. Универзитетите располагаат со целосна автономија, а полагањето кај стручните науки е на товар на државата.