Голем број припадници на единицата за брзо распоредување пристигнаа пред седиштето на СПУКМ каде заедно со однесените гласачки кутии се членовите на парлементот со истечен мандат како и членови на УМС на ВМРО-ДПМНЕ.
Тие се кријат внатре од попладнето откако на сила со помош на партиски активисти на ВМРО-ДПМНЕ ги одзедоа гласачките кутии, а стотина членови на Студентскиот пленум чекаат надвор.
-Сега ги чуваат и припадници на МВР, иако ги одзедоа гласачките кутии, иако никого не претставуваат и не се легитимни со оглед дека имаат истечен мандат, како и тоа дека тие не можат да организираат избори.
Најмалку ги претставуваат студентите, кои денеска не се ни појавија да гласаат, по што да не се открие дека во кутиите има само по 10 до 20 гласачки ливчиња, односно никаква поддршка, кутиите беа однесени со сила, посочуваат од Студентскиот пленум.