Времето денеска наутро ќе биде студено со ниски температури за овој дел од годината, а преку денот сончево со мала локална облачност. Ќе дува слаб до умерен ветер од северен правец. Минималната температура ќе биде во интервал од -2 до 7, а максималната ќе достигне од 14 до 22 степени.
Во Скопје наутро свежо, а преку денот сончево со мала облачност. Ќе дува слаб до умерен северен ветер. Минималната температура ќе се спушти до 2, а максималната ќе достигне 20 степени.
За време на викендот и во почетокот на следната седмица во попладневните часови ќе има локално зголемување на облачноста, во недела и понеделник со услови за краткотраен пороен дожд и ретки грмежи. Дневната температура до недела ќе биде во пораст.