Стружани пијат загадена вода полна со бактерии

Од:

Пијат ли стружани загадена вода полна со бактерии? Водата од изворите Шум од каде стружани се снабдуваа со вода за пиење не одговара на стандардите, а тоа го покажуваат и документите од анализите до кои дојде и А1. Во нив пишува дека дека според испитуваните параметри примерокот вода не одговара на правилникот за безбедност на вода и оти има приуство на бактеријата ентерококи. Ова за А1 го потврди и директорот на Проаква Ваит Ајро. Според него главна причина биле градежните работи кои се изведувале на таа локација.

-Водата е органски загадена и е органски оптеретена. Квалитетот на водата на сите позиции не одговара за пиење. Тоа значи дека водата од прва категорија е претворена во втора категорија и повеќе. Додека тоа го откривме, граѓаните пиеја загадена, заматена вода. Да не кажувам кој се бактерии се појавуваат од пореметувањето. Алармантноста не е само во квалитеот ќе биде и во недостаток на вода во Струга, рече Ајро

Поради ваквата состојба во моментов пумпните станици кај Шум се исклучени, а градот сега се снабдува со вода од Горнобеличките извори. Ајро вели дека Горнобеличките извори најмногу уште еден месец можат да одговорат на потребите на градот, по што изворите кај Шум повторно ќе треба да бидат ставени во функција.

Прво треба да се види од каде доаѓа загадувањето на водата и да се отстранат сите механички причини. Езерото треба да се обезбеди според сите стандарди. Проаква треба да преземе се што треба за да граѓаните пијат исправна вода вели Атанаско Михаилов директор на Завод за здравствена заштита во Охрид.

Стружани се жалат на постојана заматеност и неубав мирис на водата од градскиот водовод. Велат дека поради тоа најчесто се одлучувата да купуваат флаширана вода. Последните анализи на водата биле направени во април, следните ќе бидат готови на крајот од овој месец.

Мики Трајковски

 

Би можело да ве интересира

Опожарена трска на струшкото крајбрежје

Мерко молчи по двете поднесени обвиненија, во обвинителствата против него има уште 14 активни предмети

Александар Тодески

Кривичен го препрати предметот против Мерко во струшкиот суд: Не биле надлежни тие, туку судот во чие подрачје се извршило делото

Во Струга пронајдена почината жена

Автомобил излета од „Партизанска“ во Струга, тешко повреден е возачот

Горан Наумовски

Дарко Паскоски го извади светиот крст од водите на студениот Црн Дрим во Струга

А1он