Од СВР Куманово преземени се мерки поради повеќе кривични дела „тешки кражби“ од куќи и станови.
Врз основа на издадена судска наредба, е извршен претрес во домот на Р.М (47), при што се пронајдени и одземени електричен шпорет и машина за перење, додека од неговиот 16-годишен син одземени се 20 пара машки и женски обувки.
Истиот ден е извршен претрес и во домот на И.З.(31) од Куманово, при се пронајдени и одземени неколку електрични апарати за домаќинство и повеќе други предмети за домаќинство.
Поради постоење основи на сомнение дека е сторител на кривично дело „тешка кражба“ од слобода е лишен 16-годишникот, во присуство на неговата мајка.
По целосно документирање и расчистување на случаите, против лицата ќе бидат поднесени соодветни пријави, соопштија од МВР Куманово.