Стоматолозите бараа информации за заболени од Ковид 19 за да се заштитат

Од:

Министерство за здравство и Фондот за здравствено осигурување на сите матични стоматолози да им доставуваат секојдневно листа со лицата позитивни на вирусот и тие во самоизолација, а се регистрирани како матични пациенти во таа ординација. Вакви се барањата на стоматолозите од Тетово, кои потенцираат дека така ќе можат да се заштитат самите и сите други кои доаѓаат на интервенција.

-Јас како матичен стоматолог на, како што во моментов медиумите пишуваат „општината што гори“, немам никаква информација за ниеден од матичните пациенти дека е заразен или во самоизолација, а не можам да ги почитувам докрај мерките и пациентот да ја носи маската во целиот период на интервенцијата. Ние, стоматолозите, очи во очи се соочуваме со вирусот со препорачана дистанца од 30 сантиметри, распрскани аеросоли, интервенција која бара прецизност. Од друга страна, од две маски, очила, визир, капа, скафандер – освен замаглување на очилатА не гледаш ништо, задржуваш здив за да можеш да му ја скратиш маката на пациентот, за кога ќе замине да те благословува што вечерва ќе може око да склопи, по минатата непроспиена ноќ, вели д-р Маре Серафимовска, стоматолог од Тетово.

Таа смета дека сите се подеднакво загрозени од Ковид-19 и поради поделбите во општеството.

-Поделени институции, празни ветувања, борба за парламентарно столче, министерско место, создавање непослушност, меѓусебна верска омраза, се главните кластери на Ковид-19, многу едноставно е. Сите сме исти, подеднакво имуни, без селекција, и не ме интересира кој од „функционерите“ е во самоизолација или заразен, ме интересираат сите заради кои тие се таму, вели д-р Серафимовска.

Граѓаните и читателите на интернет-порталите по новинарските извештаи секојдневно бараат подетални информации за тоа од кои места се заразените од коронавирус.

Би можело да ве интересира

Во гостиварскиот регион има 146 активни случаи на Ковид-19

Ана Ололовска

Санкционирани 104 лица за неносење лична заштита на лице во изминатото деноноќие

Ана Ололовска

Вкупно активни 3.475 случаи на Ковид-19, најмногу заболени во Скопје и Тетово

Ландов

ДИК: Граѓаните да излезат на избори, исполнети се сите услови за безбедно гласање

А1он

Во Скопје 1.793 активни случаи на Ковид-19

А1он

135 заразени од коронавирус, четири лица починале

А1он