Комисијата за здравство ги разгледа и прифати препораките од СЗО да бидат укинати сите ковид-мерки и од денес ќе се третира ковид-19 како вообичаена заразна болест.
– Ги прифативме препораките на СЗО за да направиме транзиција да го третираме ковид-19 како вообичаена заразна болест на ниво на другите заразни болести во Македонија. Се работи за четири мерки: задолжително носење на маски во болниците, во аптеките, во јавниот превоз и во домовите за стари лица со посебни потреби.
Би сакале како комисија да препорачаме дека во болниците со оглед на позитивното искуство, луѓето кои ќе прават посети во болниците да користат маски, посебно луѓето над 65 години и оние хронично болните – рече портпаролот на Комисијата за заразни болести, д-р Злате Мехмедовиќ.
Се ушт стојат препораките да се вакцинираат граѓаните со вакцини за заштита од ковид, посебно за постарите лица.